Í 1999 byrjaðu vit asfaltarbeiði undir navninum EJ Asfalt. Í 2003 broyttu vit bygnaðin í felagnum, og broyttu harvið navn felagsins til EM Asfalt. Felagið hevur verið í støðugari menning, og kann átaka sær allar uppgávur innan asfaltering og tilhoyrandi forarbeiðir, og aðrar nærliggandi tænastur.

Ynski at kunna arbeiða við asfalti alt árið hevði við sær, at EM Asfalt, saman við øðrum, stovnaði felagið P/F Asfaltverkið, har EM Asfalt er høvuðspartaeigari. Asfaltverkið heldur til á Sundi, og letur alt asfaltið, ið EM Asfalt leggur út.

Í 2004 varð Essan í Søldarfirði keypt, og SP/F Essan varð sett á stovn. Í Essuni verða maskinurnar hjá EM Asfalti viðlíkahildnar, og í sama bygningi hevur EM Asfalt skrivstovu matstovu og felagshølir síni.